గ్లోబల్ స్టార్ రామ్ చరణ్ (Ram Charan), బుచ్చిబాబు సానా (Buchi Babu Sana) కాంబినేషన్లో వస్తున్న ‘పెద్ది’ (Peddi) సినిమా కోసం మెగా ఫ్యాన్స్ కళ్లు కాయలు కాచేలా ఎదురుచూస్తున్నారు. అయితే, ఈ సినిమా షూటింగ్ అప్డేట్స్ విషయంలో కొంత అయోమయం నెలకొంది. ముందుగా మార్చి 27న సినిమాను రిలీజ్ చేయాలనుకున్నా, ఇంకా షూటింగ్ బాకీ ఉండటంతో ఆ డేట్కు రావడం అసాధ్యమని తేలిపోయింది. దీంతో మేకర్స్ రీసెంట్గా కొత్త డేట్ను అనౌన్స్ చేశారు. ఏప్రిల్ 30న సమ్మర్ కానుకగా ఈ సినిమా థియేటర్లలోకి రానుంది. ఇప్పుడున్న టైమ్ తక్కువ, చేయాల్సిన పని ఎక్కువ.. మరి ఈ డెడ్లైన్ను టీమ్ ఎలా రీచ్ అవుతుందో చూడాలి.
నిజానికి ఏప్రిల్ 30కి మారడం వల్ల టీమ్కు కాస్త రిలీఫ్ దొరికిన మాట వాస్తవమే. కానీ, ఇన్సైడ్ టాక్ ప్రకారం ఇంకా 40 రోజుల షూటింగ్ బ్యాలెన్స్ ఉందట. ఒక బిగ్ బడ్జెట్ సినిమాకు నెల రోజులకు పైగా షూటింగ్ పెండింగ్ ఉంచి, ఏప్రిల్ ఆఖరి కల్లా ఫైనల్ కాపీ రెడీ చేయడం అంటే మామూలు విషయం కాదు. అందుకే చిత్ర యూనిట్ ఇప్పుడు ఏమాత్రం గ్యాప్ తీసుకోకుండా డే అండ్ నైట్ కష్టపడుతోందట.
అయితే ‘పెద్ది’ టీమ్కు ఒక విషయంలో పెద్ద ఊరట లభించింది. ఈ సినిమాకు భారీ విజువల్ ఎఫెక్ట్స్ (VFX) పనులు అవసరం లేదు. ఈ మధ్య వస్తున్న చాలా పాన్ ఇండియా సినిమాలకు గ్రాఫిక్స్ కోసమే నెలల తరబడి టైమ్ పడుతోంది. కానీ బుచ్చిబాబు ఈ సినిమాను గ్రాఫిక్స్ కంటే ఎమోషన్స్ మీద, సహజత్వం మీద ఎక్కువ ఫోకస్ చేసి తీస్తున్నారు. దీనివల్ల షూటింగ్ జరుగుతున్నప్పుడే ఎడిటింగ్ పనులను కూడా స్పీడప్ చేసే అవకాశం దొరికింది.
రామ్ చరణ్ కూడా ఈ ప్రాజెక్టును త్వరగా కంప్లీట్ చేయాలని పట్టుదలతో ఉన్నారు. తన పార్ట్ షూటింగ్ కోసం మరో 30 రోజులు కేటాయించారట. క్లైమాక్స్ మరియు కొన్ని ఇంటెన్స్ సీన్స్ సినిమాకు హైలైట్గా నిలుస్తాయని తెలుస్తోంది. ‘ఉప్పెన’తో నటుల నుంచి బెస్ట్ అవుట్పుట్ రాబట్టిన బుచ్చిబాబు.. ఇప్పుడు చరణ్ను ఏ రేంజ్లో చూపిస్తారో అని అందరూ వెయిట్ చేస్తున్నారు.
టెక్నికల్ టీమ్ మీద కూడా ఇప్పుడు గట్టి ఒత్తిడి ఉంది. ఒకపక్క షూటింగ్ చేస్తూనే, మరోపక్క ప్రమోషన్లు ప్లాన్ చేస్తున్నారు. ఈ నెలాఖరులో సెకండ్ సాంగ్ రిలీజ్ చేసి మెగా ఫ్యాన్స్లో జోష్ నింపాలని చూస్తున్నారు. ఇప్పటికే బిజినెస్ వర్గాల్లో ఈ సినిమాపై మంచి క్రేజ్ ఉంది. మరి బుచ్చిబాబు మార్క్ పెర్ఫెక్షన్, చరణ్ క్రేజ్ కలిసి ఏప్రిల్ 30న బాక్సాఫీస్ వద్ద ఎలాంటి మ్యాజిక్ చేస్తాయో చూడాలి.
